​Í ljósi fyrirhugaðra breytinga og þeirra breytinga sem hafa orðið á Söngkeppni framhaldsskólanna undanfarin ár hafa nemendafélög Framhaldsskólans á Laugum, Framhaldsskólans í Austur-Skaftafellssýslu, Menntaskólans á Tröllaskaga og Verkmenntaskóla Austurlands tekið þá ákvörðun að fylgja fordæmi Þórdunu, nemendafélags Verkmenntaskólans á Akureyri og draga sig úr keppninni þetta árið. Með þessari ákvörðun erum við að láta í ljós óánægju okkar með fyrirhugaðar breytingar sem verða innleiddar í keppnina í ár. Breytingarnar fela það í sér að til þess að eiga möguleika á því að taka þátt í keppninni þarf hver skóli að senda inn upptöku af sínu atriði. Það er síðan dómnefnd sem mun fara yfir atriðin og velja 12 atriði sem munu taka þátt í aðalkeppninni. Hver skóli borgar 40.000 kr fyrir það að senda inn upptöku ásamt því að fá aðgang að æfingahelgi fyrir keppninna í Reykjavík. Þeir skólar sem verða síðan valdir áfram í lokakeppnina þurfa að borga auka 30.000 kr í þátttökugjald og skuldbinda sig auk þess til að selja 20 miða til nemenda sinna á aðalkeppnina.
 
Augljóst er að hið nýja fyrirkomulag kemur sér sérstaklega illa fyrir litla skóla á landsbyggðinni. Fyrir nemendafélög með takmarkaðan fjárhag þá er þátttökugjaldið alltof hátt, sérstaklega í ljósi þess að við séum einungis að greiða fyrir það að senda upptöku af atriðinu og aðgang að æfingahelginni. Við erum mjög ósátt með það að ekkert tillit sé tekið til þess gríðarlega mikila aukakostnaðar sem að lendir á nemendafélögum skóla af landsbyggðinni við það að senda keppendur tvisvar til Reykjavíkur bæði á æfingahelgina og aðalkeppnina og síðan áhorfendur með keppendum á aðalkeppnina sjálfa. Með þessu fyrirkomulagi sitja skólar af höfuðborgarsvæðinu og skólar af landsbyggðinni ekki við sama borð og skólum er mismunað eftir landfræðilegri staðsetningu.
 
Einnig erum við mjög ósátt með það að einungis 12 keppendur fá tækifæri til þess að stíga á svið og koma fram í sjónvarpi. Við teljum þetta fyrirkomulag ekki stuðla að því að keppnin verði stökkpallur fyrir unga og efnilega listamenn til að koma sér á framfæri eins og markmið keppninnar ætti að vera.
 
Við sjáum ekki hag okkar í því að taka þátt í söngkeppni framhaldsskólanna þetta árið og munum við ekki endurskoða ákvörðun okkar fyrr en viðeigandi breytingar verða gerðar.
 
Fyrir hönd eftirtalinna nemendafélaga
 
Eva Sól Pétursdóttir
Formaður Nemendafélags Framhaldsskólans á Laugum
 
Haukur Orri Kristjánsson
Formaður Trölla, nemendafélags Menntaskólans á Tröllaskaga
 
Sigurður Ingvi Gunnþórsson
Formaður Nemendafélags Verkmenntaskóla Austurlands
 
Sævar Örn Kristjánsson
Formaður Nemendafélags Framhaldsskólans í Austur-Skaftafellssýslu

Þá er forsala á miðum á Tónkvíslina hafin. Forsalan fer fram á tonkvislin@laugar.is og það er 500 kr afsláttur á öllum miðum í forsölu, tryggið ykkur miða sem fyrst!

Hér má sjá myndbönd sem voru gerð fyrir árshátíð NFL sem haldin var 13. nóvember s.l.
Þetta er annars vegar árshátíðarmyndbandið sjálft og hins vegar kynningarmyndband stjórnarinnar :)

Nú fer að styttast í Tónkvíslina 2015 en hún verður þann 28. febrúar n.k. Undirbúningur fyrir hana er þegar farinn á full. Þetta verður í 10. skiptið sem að Tónkvísln er haldin með þessu sniði og er því stefnan að hafa hana stærri en undanfarin ár. Við hvetjum alla til að mæta enda um frábæran tónlistarviðburð að ræða. Hér að neðan má sjá umfjöllun sem var í Landanum í fyrra um Tónkvíslina.

Eftirfarandi númer á miðum gefa vinninginn sem við á:

Vinningur eitt: Miði númer 519
Vinningur tvö: Miði númer 432
Vinningur þrjú: Miði númer 486
Vinningur fjögur: Miði númer 263
Vinningur fimm: Miði númer 120
Vinningur sex: Miði númer 324
Vinningur sjö: Miði númer 177
Vinningur átta: Miði númer 357
Vinningur níu: Miði númer 421
Vinningur tíu: Miði númer 379
Vinningur ellefu: Miði númer 470
Vinningur tólf: Miði númer 88
Vinningur þrettán: Miði númer 331
Vinningur fjórtán: Miði númer 132
Vinningur fimmtán: Miði númer 346
Vinningur sextán: Miði númer 93
Vinningur sautján: Miði númer 187
Vinningur átján: Miði númer 533
Vinningur nítján: Miði númer 128
Vinningur tuttugu: Miði númer 434

Ef einhver á miða með einhverju af þessum númerum má hann gefa sig fram við Loga Helgason í síma
856 4937

Að lokum viljum við í útskriftarhópnum óska þeim sem fengu vinning til hamingju og þökkum við öllum hinum fyrir þáttökuna. Einnig viljum við óska ykkur gleðilegra jóla og vonum að þið njótið jólahátíðarinnar.

Hér má sjá árshátíðarmyndband NFL sem einnig er kynningarmyndband fyrir stjórn haustannar. 

Í dag var haldinn hinn árlegi Jóladagur NFL í Framhaldsskólanum á Laugum og flestir nemendur skólans mættu spariklæddir þrátt fyrir veðrið. Boðið var upp á smákökur og nammi í löngu frímínútunum auk þess sem jólasveinar kíktu í heimsókn. Í hádeginu var boðið upp á hangikjöt, jólaöl og ís í mötuneytinu. Hér að neðan má sjá nokkrar myndir frá jóladeginum.
Að lokum vill stjórn NFL þakka meðlimum NFL fyrir frábæra önn og óska öllum gleðilegra jóla og farsældar á komandi ári.